Դաւթար (1778-1800)

Վսեմափառ եւ գերյարգոյ տեառն ամենապատիւ Սամուէլ սրբազան արհի եպիսկոպոսիդ Ռաստովու եւ գահակալի սրբազնագունեղ կառավարիչ սինօդին Քրիստոսաւանդ ողջոյն եւ սէր:

Վարդապետութիւն Փրկչին մերոյ հարկադրէ մեզ աշակերտելոցս ինքեան այնու յատկանալ յայլոց խառնիՃաղանջ եւ անկրօն ազգաց որով ինքն երեւեցաւ յաշխարհի այսինքն սիրով, վասնորոյ ասէ այսու ծանիցեն ամենեքեան թէ իմ աշակերտք էք եթէ սիրիցէք զմիմեանս. զսոյն փրկչաւանդ պատուէրս առաւելապէս էլից սրբութիւնն ձեր խնամելով զմեզ մարդասիրութեամբ, եւ ողջախոհ դատողութեամբ իբրեւ զանդամ գլխոյն Քրիստոսի ընկալնլով ի սէր հայրութեանդ, վասնորոյ պարտաւորեալ մեզ անարգամեծար շնորհի քո հարկաւորեցաք զխոնարհական շնորհակալութիւնս մեր ի հեռուստ աստի գրով արձանացուցանել առաջի սրբութեանն քո զի գիտասցես թէ այնչափ գոհունակութիւն ունիմ ի սուրբ սիրոյդ եւ ի մաքուր մտացդ զոր ցուցեր առ անարժանութիւնս մեր. խնդրեմ ի Տեառնէ բազմապատիկ հատուցանել քեզ փոխարէնն այդ Ճշմարիտ սիրոյդ յորժամ գայցէ փառաւոր առնել զսիրելիս իւր. եւ հայցեմ յաննուազ շնորհացդ եւ աստ արձակեսցես զշառաւիղս. գիտեմ հաւաստի զի ցանկաս լսել զորպիսութիւն մեր, չկամելով ձանձրութիւն տալ լսելեաց սրբութեան քում, վասնորոյ գրեցի ազնուոյն մերս Մինաս Լազարիչին եւ Եգիմ (Յովակիմ). Լազարիչին ծանուցանել վեհանձնութեանդ թէ որպիսի սիրով ընկալաւ պայծառափայլ քնեազ Գրիգ. Ալէքսանդրիչ Պօտեմկինն ըստ նախագուշակ մարգարէութեամբ սրբազնութեանդ, ընդ նմին սրբազնագունեղ արհի եպիսկոպոսունքն զորս վարձատրեալ տէր ընդ երկայն աւուրս պահեսցէ. որ եւ մնամ սրբութեանն քում յամենայօժար սրտէ բարեկամ եւ ծառայ

Յովսէփ արքեպիսկոպոս հայոց Արղութեան

1779 յօգոստօսի 11

ի Սակտ Պետերբուրղ: