Տարեգիրք

Ի թուին ՇՁԵ [585=1136] տէրն Մարշայ Պաղտինն խանգրեաց զԼեւոն որդին Ռովբինայ, եւ յետ Գ ամսոյ, տէրն Անտիոքայ Պեմունդն կալաւ զԼեւոն։ Եւ յարեան որդիքն Լեւոնի ի միմեանց հակառակ, եւ կալեալ զհանճարեղ եղբայրն Կոստանդին՝ խաւարեցոյց զաչսն։ Եւ Պեմունդն յետ Բ ամսոյ առ զորդիսն Լեւոնի պանդանտ եւ ԿՌ [60. 000] դահեկան գին, զՄսիս, զԱտանա, զՍարվանդի քարն, եւ ար/104բ/ձակեաց զԼեւոն ի տուն իւր։ Ի սոյն ամի ել Պեռպեռօժէն թագաւորն Յունաց եւ էառ զԽալիճն, զԱնարզաբա, զՎահկայն, զԱմայքն, զՑախուտն, եւ զայլ ամրոցս նոցա. եւ առեալ զկին եւ զորդիսն եւ զդստերսն Լեւոնի, եւ ինքն Լեւոն եկն առ թագաւորն, եւ առաքեաց զնա կապանօք ի Կոստանդինուպօլիս, եւ զընտանիս նորա ընդ նմա, եւ զպատկերն Աստուածածնին այլ տարան։ Եւ ինքն թագաւորն եկաց ի Կիլիկիա ամ մի եւ ամիսս Զ, եւ գնաց մինչեւ ի Հալպ եւ ի Շիզարն, եւ ոչ ինչ արութիւն եցոյց։