Տարեգիրք

Ի թուին ՇՁԹ [589=1140] դարձեալ ել Պեռպեռօժէնն ի վերին կողմն Պոնտոսի եւ Գասրաց. եւ բնակիչքն Տաւրոսի ի նա ապա/105ա/ստան եղեն եւ մռտեցին ի թուրքէն։ Իսկ յորժամ գնաց թագաւորն՝ մնացին անօգնական եւ եղեն փախստական ցան եւ ցիր, եւ մնաց երկիրն Լեւոնի աւերակ։ Ի սոյն ամի ձիաւոր մի ի Մահէ Տլքոյ կոմսէն խէթ կալեալ ի սրտին, գողացաւ զԱնթափ ի Ճօսլնէն, եւ կալեալ ամ մի՝ դարձոյց ի կոմսն միջնորդութեամբ բրնձին։ Զայսու ժամանակաւ սուրբ կաթողիկոսն Հայոց տէր Գրիոգորիս կայր ի փոքրագոյն դղեակն Ծովք, ի սահմանս Տլքոյ, զոր ստացեալ էր սուրբ հայրապետն գնոց ի բրնձէն Անտիոքայ եւ ԺԵ գեղ շուրջն ի ԿՌ [60. 000] դահեկան, եւ եկեալ անդ բնակէր հանդերձ եղբարբն տէր Ներսիսիւ, եւ աշակերտօքն, եւ ամենայն կահիւ սրբոյ աթոռոյն. եւ ամենայն ազգայնօքն իւրեանց։