Տարեգիրք

Հեղինակ

Բաժին

Թեմա

/103բ/ Ի թուին ՇՀԷ [577=1128] գայր ասպասալարն Պարսից ամիր Զանգի որդի Աղսնղուրին, որ ունէր յառաջ զՀալպ, եւ բազում զօրօք իջաւ ի սահմանս Ուռհայոյ, եւ հաստատեաց սէր ընդ Ճօսլինն կոմսն Ուռհայոյ։ Խնդրեաց եւ ի Պեմնդէն սէր. եւ անցեալ զօրօքն գնաց ի Դամասկոս. եւ յայնմ ամի մեռեալ էր տէր Դամասկոսի Տուշտիկին, եւ ունէր զքաղաքն որդին նորա։ Ի սոյն ամի մեռաւ սուլտանն Պարսից Մահմուտն, որդի Տափարին որ ունէր զԳանձակ։