ՀԱՅՐ ՂԵՒՈՆԴ ԱԼԻՇԱՆ

ՆԱՄԱԿԱՆԻ

ԵՐԵՔ ՀԱՏՈՐՈՎ

ՀԱՏՈՐ ԱՌԱՋԻՆ
(1840-1870)

Ներկայ հատորին մէջ ընդգրկուած են Հ. Ղեւոնդ Ալիշանի 1840-1870 տարիներուն գրած նամակները, որոնք պահպանուած եւ յայտնի են: Նամակներու գերակշիռ մասը կը տպագրուի առաջին անգամ: Ալիշանի նամակները ոչ միայն կարեւոր սկզբնաղբիւր են Հայոց Նահապետի կենսագրութեան համար, այլ նաեւ ցոյց կու տան անոր գիտագրական գործերու ստեղծագործական պատմութեան ընթացքը եւ Մխիթարեան Միաբանութեան տուեալ ժամանակահատուածի գործունէութիւնը: Նամակներուն մէջ արտացոլուած են Մխի­թարեաններու հայ մտաւորականութեան ու եւրոպական հայագիտութեան հետ ունե­ցած սերտ կապերը եւ գործակցութիւնը: Նամակներուն մէջ Ալիշանի տարբեր առիթ­նե­րով յայտնած մտքերը ունին ոչ միայն գիտա-պատմական արժէք, այլ նաեւ կը կարեւորուին հայագիտութեան շարք մը գիտակարգերու վերաբերող ամենատարբեր հարցերու ուսում­նա­սիրութեան առումով: