Պատմութիւն Աղուանից աշխարհի

ԳԼՈՒԽ ԺԵ
Գիր անուանց նախագահ կարգելոց, որք յայտ են ի Յաբեթէ եւ յԱռանայ մինչեւ ցերրորդն Վաչագան

Յաբեթ, Գամեր, Թիրաս, Թորգոմ, Հայկ, Արամանեակ, Արամայիս, Ամասիա, Գեղամ, Հարմա, Արամ առսովաւ Աբրահամ, Արայն Գեղեցիկ առ սովաւ Իսահակ. Անուշաւան, Պարէտ, Արբակ, Զաւան, Փառնակ Սուր առսովաւ Յեսու, Հաւնակ, Վաշտակ, Հայկակ, Ամբակ, Առնակ, Շավարշ, Նորայր, Վստամկար, Գոռակ, Հրանտ, Ընձակ, Դղակ, Հօրոյ, Զարմայր, Պերճ առ սովաւ Դաւիթ, Արբուն, Բազուկ, Հոյ, Յուսակ, Կայպակ, Սկայորդի. սա էառ թագ իԲաբելացւոց թագաւորէն. Պարոյր, Հրաչեայ, Փառնաւազ, Պաճոյճ, Կոռնակ, Փաւոս, միւս Հայկակ, ԵրուանդՍակաւակեաց, Տիգրան։

Ի սոցա ծննդոց կարգեցաւ Առան նախագահԱղուանից. եւ թիւ անուանցն յԱռանայ մինչեւ ցքաջնՎաչագան, որ էր ի մեծ ազգէն Արշակունեաց, չէ յայտ. եւզսոցայն ստոյգն, թէ յորմէ տոհմէ են, չունիմ ասել։ Եւորք ըստ կարգի կացին թագաւորք Աղուանից տասն. անուանք են այսոքիկ. Վաչագան քաջ, Վաչէ, Ուռնայր, Յաւչագան, Մերհաւան, Սատոյ, Ասայ, Եսվաղէն, Վաչէ, ապաբարեպաշտն Վաչագան՝ արքայ Աղուանից, յորոց բազումքի սոցանէ աստուածասէր եւ բարեպաշտ վարուք կեցեալ՝առին յիւրաքանչիւր ժամանակի զվախճան։ Սակայն ոչինչ ումեք ի նոցանէն այսպիսի աստուածային եւհոգեւոր ծածկեալ գանձ յայտնեալ ընձեռեցաւ, որպէսվերջին Վաչագանայ՝ բարեպաշտ Աղուանից արքայի։ Եւ իհրամանէ Պերոզի՝ պարսից արքայի, շինեցաւ ի ՎաչէէՊերոզապատ մեծ քաղաքն, որ այժմ կոչի Պարտաւ։