Պատմութիւն Աղուանից աշխարհի

ԳԼՈՒԽ Ը
Հալածումն հերձուածողացն յԱղուանից, զոր տէր Աբաս՝ Աղուանից կաթողիկոսն ընդ գալ թղթոյն ի Հայոց արտասահմանեաց

Ձայն շփոթ աղմկի սփռեալ տարածեցաւ ընդոլորտս երկրի ի ժողովոյն Քաղկեդոնի ի սնոտի եւունայն չարափառաց պղտորմանէն, որ ի ներելնԱստուծոյ զօրացաւ սուտ վարդապետութիւն նոցա, եւդիւրալուր ունկնդրութեամբն ներկեալ բազմաց ազանցհոգիքն՝ մշտնջենաւոր խաւարի կորստեան մատնեցան։Եհաս որոմնաբոյս արմատս այս յաշխարհս Աղուանից։ Ինոյն ժամանակս տեառն Աբասայ Աղուանից կաթողիկոսիյոյզ քննութեան առնելով իւրովք եպիսկոպոսօք, որվերագոյնդ կան ի գրի, նոքօք հանդերձ հալածեաց իտանէ Աղուանից զպիղծ վարդապետս աղանդոյն այնորիկ՝զԹոմասն կեղծաւոր եւ զփսաղտն Եղիա եւ զԲնոտն եւզԻբաս եւ զայլսն ընդ նոսա, զնմանողս նոցին արարտարաբնակ ի հեռաւոր վայրս։ Եւ այնու եղեւխաղաղութիւն ուխտի եկեղեցւոյ ի ժամանակին յայնմիկողորմութեամբ տեառն ամենակալի. այլ մարմնաւորականպատերազմունքն կարի յաճախէին։