Գիրք վաստակոց

Ա՛ռ խմորջուր արա, եւ տար զընկուզի կամ զկաղնի թորխն կամ զչոր կնճակն, ջրեա. նա մենակ սունկ հանէ: Եւ թէ ուզես առնել որ 'ի գետնէն ելանէ, գիտ կակուղ գետին, որ իւր բոյսքն փշուտ եւ կառնուտ լինի. 'ի յամպ եւ 'ի պղտոր օր այրեա զինքն. նա զերդ անձրեւ գայ՝ լինի սունկ: Բայց զխանձդ՝ այնպէս ձգեա, որ անձրեւն անցանէ. եւ թէ յամէ՝ ջրել պիտի. նա լինի. բայց 'ի ջրելոյն չլինի այնպէս պարարտ՝ զերդ անձրեւին. անձրեւին շնորհքն 'ի հետէ: