Գիրք վաստակոց

Լուա շող ջրով. եւ ա՛ռ պախրէի ճրագու, եւ մուռ եւ դեղին ծծումբ, եւ արկ 'ի կճիճ մի, եւ դիր կրակ եւ բռնցո՛, եւ զմուխն ընդ քիթն 'ի վայր աղէկ խմցո, եւ ջեր կալ. եւ 'ի շլնւոյն երակացն արիւն հան. եւ եղկ ջուր եւ գարւոյ ալիւր պղտոր արա, եւ խմելոյ տուր. եւ 'ի քիթն ա՛ծ հոռոմ ձէթ. եւ ամբրաւ եւ դմակ ծեծեա որ միանան, եւ զջիլսն օ՛ծ. եւ զթեղիտակն, եւ զբադկենոյ հերն եւ զգիշախոտին տակն՝ եփեա քաջ, եւ այնու ծփեա զջեղն. եւ զեփածն ծեծեա եւ իգախըռնտատի տակ եւ դմակով օծանելիք. եւ օ՛ծ զջեղն. օգտէ: