Գիրք վաստակոց

Ա՛ռ քուշնայի ալիւր երկու նուկի, եւ մեղր երկու նուկի, եւ խառնեա ընդ իրեար, եւ ա՛րկ 'ի յինքն անոյշ գինի եւ խառնեա, եւ ա՛րկ 'ի քսան լիտր գինւոյ վերայ, եւ երկու աւուր պարզի, եւ խմեա: Եւ այլ ոմանք առնուն զչոր թուզն նուկի մի, եւ թրջեն զինքն 'ի մրուրն անուշ գինւոյ, եւ ձգեն 'ի գինին, նա զպինտ գինին անուշացուցանէ: Եւ այլ ոմանք առնուն զընտանի աղն կամ զկողբացին չորս տրամ, եւ մուռ չորս կուտ, եւ հաւկթի սպիտակուց, 'ի մի խառնեն եւ գինեաւ եռացուցանեն, եւ 'ի չափ մի գինի խառնեն: Եւ այլ ոմանք զմրտենի տակն 'ի հետ խառնեն: Եւ են որք առնուն զանուշ սպիտակ գինւոյ մրուրն նուկւոյ չափ, եւ արկանեն 'ի վերայ տասն լիտր գինւոյ, նա յիւր համն դարձուցան է: Եւ այլք են որ վերոյ գրեալ մունֆախդէճն առնուն լիտր մի եւ արկանեն 'ի վերայ երկու կամ երեք լիտր գինւոյ, անուշացուցանէ յոյժ: