Գիրք վաստակոց

Բազում անգամ ասացաք վասն ձիթենւոյդ, թէ 'ի տաք եւ 'ի գէջ տեղի եւ 'ի գաւառ պարտ է զնա տնկել. եւ թէ յայսպիսի հաւայէս խռովի եւ խոռի աճումն տնկիդ, եւ գոյացութիւնն խոռի. եւ վասն այսորիկ պարտ է զձիթենին կամ յաշունն տնկել կամ 'ի գարուն: Զի երբ յաշունն տնկես՝ նա ունենայ 'ի ջեռութենէ արեգականն, եւ գան անձրեւքն, եւ տաս զջուրն՝ որպէս տնկին արժան է, եւ շահի տունկն զերեքն, եւ արքինանայ: Եւ 'ի գարնանայինն երբ տնկես՝ նա խմորեալ է ձմեռնային անձրեւն զգետինն եւ կշտացուցեալ, եւ գայ նոյն ջերմութիւն արեգականն, եւ շահի զնոր տունկն. նոյնպէս է երեքն՝ եւ գոյանայ. բայց ճշմարտած է որ աշունն լաւ է քան զամէն ժամ: Բայց թէ 'ի գարնանային ժամն կամենաս տնկել, երբ Բազմաստղն անկանի եւ ԺԵ օր անցանէ՝ տնկեա. որ է յունվար ամսոյ 'ի Լ օրն, եւ 'ի քաղցրաշունչ օդոյն շարժին: