Գիրք վաստակոց

Մսրայ բնակիչքն բազում գիտութեամբ փորձ առեալ են յաղագս սերմանց՝ 'ի շրջագայութենէ աստեղացն. եւ գիտեն նախագիտութեամբ՝ թէ ո՛ր սերմն գիրանայ 'ի վերայ տարւոյն: Եւ իւրեանց գիտութիւնն այսու է՝ որ առնուն զսերմն նախ քան զելանելն այն աստղին որ կոչի արպերէն Շէղր-իւլ-Ղէպուր, եւ յառաջ քան զելանել աստղիս՝ սակաւուք ժողովեն եւ 'ի շահ ածեն. եւ երբ ելանէ աստղս՝ նա բաժին մի 'ի հնտանացն ահոկէ: Եւ այս նշանքս հաստատած են առ Մսըրցիս, որք բնաւ ոչ ցանեն զայն սերմն զոր աստղն աւերեալ իցէ. եւ ինքն այս աստղս Շէղր-իւլ-Ղէպուր 'ի յուլիս ամսոյ ԻԴ օրն ելանէ: Եւ ոմանք ասացեալ են թէ աստղս այս, եւ այն աստղն զոր արպերէն Նիսր-իւլ-Վագի կոչեն որ է Անկեալ արծիւ, 'ի մէկ ժամ ելանեն, 'ի ԻԸ օրն յուլիս ամսոյ: