Գիրք վաստակոց

Զգազան եւ զուժով ազգ շունն, եւ զբարոյն եւ զյղորդահաջն ընտրեա, որ չլինի թափխալիլ եւ ոտնաշարժ եւ ղաֆառաշ քան դեժպուհի. եւ երբ հաջէ՝ վստահ լինիս թէ իրք եկն եւ պէտ առնես: Զի այլպիսին զոր գրեցաք 'ի կախրահան ձանձրացուցանէ զմարդն, որ 'ի ձեռն սուտ եւ ընդ վայր հաջելոյն աւերեալ լինի, որ երբ իրաւ հաջէ՝ դու չտաս: Եւ այնպիսի ըղորդ եւ աղէկ շանն շնհարք պարտ է շինել վզին հաստ կաշեաւ, եւ խոցերն երկաթ 'ի յինքն բեւեռած: Եւ որձն եւ քէնթն 'ի մէկ ազգէ պիտին: Եւ չէ պարտ որ զլակոտն մօրն փակցընէ ոք, այսինքն շաղաշարէ: Եւ երբ պահ լինի, գարէհաց առնել տո՛ւր. եւ եփած ոսկորն աղէկ է. եւ 'ի խաշմսի ջուրն հաց թա՛ց, աղէկ է: Եւ երբ ցկնի՝ գարէալիւր կաթաւմ աղէկ է. նոյնպէս եւ լակոտանւոյն: