Գիրք վաստակոց

Յաղագս 'ի լեառն եւ 'ի հովային տեղիս տնկելոյ եւ պատրոյս առնելոյ՝ խրատ: — Մարտ:

Արժան է 'ի լեառն եւ 'ի հովային տեղիսն զտընկելն 'ի մարտին առնել, որպէս 'ի փետրվարին զդաշտն յիշեցաք. նոյնպէս եւ զպատրուսելն յառաջ քան զպտկելն. վասնզի 'ի հովն է իւր ժամն. եւ զպատրուսին կտրելն եւ շինելն՝ սուր սարուածով պարտ է առնել, որ չաւիրէ զմայրասն եւ զպատրոյսն: Եւ զփորելն, զվաստակելն եւ զակնբցելն 'ի սոյն ամիսս եւ 'ի ժամս պարտ է առնել: Եւ սոյն ժամու անձրեւն զոր հետ վաստակելոյն առնեն՝ խիստ պիտանի է եւ պտղաբեր առնէ: Եւ զքաղհնելն պարտ է յառաջ քան զխոտին հնտրելն առնել՝ 'ի սոյն ժամս. եւ զձիթենիքն յառաջ պարտ է ակնբցել եւ շինել՝ քան զայլ ծառս: Եւ զհերկերն նոյնպէս վաստակել, յեղել եւ սրբել յամենայն ազգ խոտոց, որ զարտն աղէկ տայ: