Յուշարձան Ապրիլ տասնըմէկի

23. ՇԱՒԱՐՇ ՔՐԻՍԵԱՆ. —

Ծնած է Պէշիքթաշ 9 Յուլիս 1886ին։ Յաջորդաբար աշակերտած է Մաքրուհեանի, Պարտիզակի ամերիկեանի, Պէրպէրեանի եւ Ռ. Գօլէճի. իսկ 1906ին Բարիզ անցնելով՝ յաճախած մարմնամարզական վարժարան, Լիսէ Ժանսօն (Տէպօնէ), ապա Լօնտօն՝ 2 1/2 տարի աշակերտելով Սանտօվի եւ վկայուելով։ Պօլիս դարձին՝ մարմնամարզի ուսուցիչ կը կարգուի զանազան դպրոցներու, եւ մասնաւոր դասեր ստանձնելէ զատ՝ կը կազմէ մարմնամարզական ակումբներ այլեւայլ արուարձաններու մէջ։ 1911 Փետր. էն սկսեալ հրատարակած է Մարմնամարզ պատկերազարդ. ամսաթերթը (յետոյ կիսամսեայ) որ 4 տարուան մօտ կեանք մը ունեցաւ եւ որուն բովանդակութենէն շատեր օգտուեցան, իբր «ազգպյին ֆիզիքական կրթութեան օրկան»է մը։ — Յ. Թ. Հինթլեանի հետ հրատարակած է նաեւ Պօյ-Սքաութը եւ իր կեանքին նպատակը գրքոյկը։ — Եղբայր Տքթ. Ճանիկ Քրիսեանի։ — Դաշնակցական։