Նամակներ (1884-1915)

62. ԼԵՒՈՆ ԶՕՀՐԱՊԻՆ

Թարգմանութիւն

Կ. Պոլիս, 23 մարտի, 1908

Սիրելի զաւակս,

Կարծում եմ ներկայ պահին պէտք է հրաժարուենք հանքաքարը վաճառելուց: Առանց այդ էլ մեր պաշարը մեծ չէ: Մեզ համար շատ աւելի նպատակայարմար է զարկ տալ հանքուղիների մասնատմանն անհրաժեշտ աշխատանքներին, քան այդ իսկ աշխատանքների հաշուին հանքաքար արդիւնահանել ամեն գնով: Ուրեմն, մի կողմ թողնենք հանքաքարի վաճառքը: Եթէ կարող ես, ջանայ արտօնագրի մի գնորդ գտնել:

Ներփակ ուղարկում եմ ինժեների տեղեկագիրը, ինչպէս նաեւ աշխատանքների պլանը: Նա, ով կը կամենայ գնել, կարճ ժամանակամիջոցում պէտք է յանձն առնի իր ինժեներին ուղարկել այդ վայրերը: Մենք կը համաձայնենք հէնց այդ պահից նրա հետ առաջնային առք ու վաճառքի պայմանագիր կնքել այս պայմանով. կամ գինը կ՚որոշենք, կամ, դրանից ձեռնպահ մնալով, համաձայնութեան կը գանք հանքը ուսումնասիրելուց յետոյ: Որպէսզի համոզուենք գնորդի լուրջ մտադրութեան մէջ, նա պիտի ինժեներ ուղարկի` անշուշտ իր ծախսով, հնարաւորին չափ շուտ։

Քնքշօրէն համբուրում եմ քեզ`

Գ. ԶՕՀՐԱՊ