Նամակներ (1884-1915)

84. ԼԵՒՈՆ ԶՕՀՐԱՊԻՆ

Թարգմանութիւն

[Փարիզ, 22 մայիսի, ուրբաթ, 1908]

Շատ սիրելի զաւակս,

Երէկ քեզ ուղարկեցի տեղեկագիրը եւ Հալէպի էլեկտրականութեան գործի նախահաշիւը: Քեզ գրեցի, որ տեղեկագրի եւ հաշուի վերաբերեալ իմանաս բանիմաց դասախօսներիցդ մէկի կարծիքը: Յետոյ խնդրեցի դրանք նորից ուղարկել ինձ:

Քանզի աւելի շատ հաւանականութիւն կայ այդ գործը ձեռնարկել Վիեննայի «Սիմէնս եւ Հալսկէ» վաճառատան կամ գերմանական կամ աւստրիական որեւէ այլ տան հետ: Աւելի լաւ է, որ այդ փաստաթղթերը պահես մօտդ` ինձ ուղարկելու փոխարէն:

Մինչ այդ, աշխատիր իմանալ, թէ այդ վաճառատունը կամ մէկ ուրիշը Գերմանիայում կամ Աւստրիայում տրամադիր է արդեօք հետաքրքրուել այդ գործով: Այս նպատակով գործն առաջարկիր այն վաճառատներին, որոնց յարմար կը գտնես:

Ուղարկում եմ նամակի տեքստը, որ գրելու ես նրանց: Եթէ դրական պատասխան ստանաս, հեռագրով յայտնիր, որպէսզի գամ Բեռլին եւ միասին գնանք, խօսենք նրանց հետ: Կամ էլ թէ չէ քեզ կ՚ուղարկեմ յանձնառութիւնների փաթեթն ու պայմանագիրը, ինչպէս նաեւ ուրիշ տեղեկութիւններ, որպէսզի այդ բոլորը դնես նրանց տրամադրութեան տակ մինչեւ իմ գալը, որն առանց այդ էլ չի ուշանայ:

Քնքշօրէն համբուրում եմ քեզ`

Գ. ԶՕՀՐԱՊ