Նամակներ (1884-1915)

72. ԼԵՒՈՆ ԶՕՀՐԱՊԻՆ

Թարգմանութիւն

  [Փարիզ, 19 մայիսի, 1908], երեքշաբթի

Սիրելի զաւակս,

Ստացայ նամակդ: Շուտով նախագծերն ու տեղեկագիրը կ՚ուղարկեմ քեզ, որպէսզի հասցնես այն մարդկանց, ովքեր ուզում են արտօնագիրը գնել: Մեր հանքի առաւելութիւնն այն է, որ գտնւում է ծովից ընդամենը եօթ կիլոմետր հեռաւորութեան վրայ: Բացի այդ, շատ հարուստ հանք է, սակայն միջոցներ չունենալու պատճառով չկարողացանք ինքներս շահագործել:

Դու խօսում ես յանձնարարականի մասին: Ո՞ւմ համար ես ուզում ձեռք բերել այդ յանձնարարականը: Ընդհանրապէս յանձնարարականը պարտադիր է միայն առեւտրականների համար: Հետեւաբար ո՛չ քեզ եւ ո՛չ էլ ինձ համար է, որ պէտք է ձեռք բերեմ այդ յանձնարարականը: Ուստի այն ձեռք եմ բերելու իմ գործընկերոջ Բիս[…] համար, բայց այդ դէպքում էլ ստիպուած կը լինեմ տալ նրա անունը, իսկ ներկայ պահին չեմ ուզում դա յայտնի դարձնել գնորդներին: Ասացէք նրանց, որ կարող էք յանձնարարականը տալ նրանց հէնց որ գործարքն սկսելու հնարաւորութիւնը կը տեսնէք: Յետոյ ինձ իրազէկ դարձրու, թէ ում անուամբ ես ուզում յանձնարարականը:

Սեղմում եմ քեզ կրծքիս:

Գ. ԶՕՀՐԱՊ

Մեր արտօնագրի վաճառքի մաքուր գինը 600. 000 ֆրանկ է: Հարկաւոր է պահանջել 700. 000` 600. 000-ով զիջելու համար: