Նամակներ (1884-1915)

201. ԿԼԱՐԱ ԶՕՀՐԱՊԻՆ

[Վիսպատէն], 30 օգոս. [1911], չորեքշաբթի ցորեկ

Անուշիկ կնիկս,

Ելէկներս expressով խրկեցիր, գրեր էիր, բայց մոռցեր էիր աւելցնելու որ poste restante խրկած ես: Այսօր առած նամակէս միայն հասկցայ այդ կէտը եւ մարդ խրկեցի բօսթայէն բերել տալու համար զանոնք: Կը յուսամ թէ քիչ մը վերջը կ՚առնիմ:

Աչքիս անհանգստութիւնը բաւական աւելցաւ. ժամը 3-ին բժիշկի պիտի երթամ, եթէ պէտք ըլլայ նէ spécialisteի [1] մը պիտի ցուցնեմ:

Արդէն սիրտիս նեղութիւնները չէին բաւեր, աս ալ վրան աւելցաւ: Այսօր գրեթէ 10 օր է որ ամեն դարման կէտ առ կէտ կը գործադրեմ կոր. օգուտ մը տեսած չունիմ: Դեռ բոլոր կենալիքս 11 օր է: Նայինք սա վերջին օրերուն մէջ աղէկութիւն մը պիտի զգա՞մ թէ ոչ: Զուր տեղը այս (1 ա. ) մէջ ժամանակս կորցուցի:

Շատ մը պաչիկներ`

Գ. ԶՕՀՐԱՊ

Ելէկները առի. 3 նոր եւ 2 հին դրեր էիր, բայց վնաս չունի: Հիմա բժիշկէն կուգամ. օթօով առանց ակնոցի երթալէս յառաջ եկեր [էր] աչքիս անհանգստութիւնը, որ բնաւ կարեւորութիւն չունի եղեր. morale-ս [2] (1 ա. ) նորէն:

Պաչիկներ` (1 ա. )