Նամակներ (1884-1915)

107. ԿԼԱՐԱ ԶՕՀՐԱՊԻՆ

[Բարիզ], 4 յուլիս, [1908], շաբաթ, ժամը 11 ¹ / ₂

Սիրական մէկ հատիկ գանձս,

Հիմա չորեքշաբթի օրուան նամակդ առի. այսօր արդէն նամակ մը գրեր էի: Այս երկրորդն է:

Ես ըսի որ ժուռնալ ըրեր են զիս սուտ բաներու համար. բաբուճս չէ:

Միայն սա գիրքէս` ֆրանսական լրագիրներու մէջ գրածներէն օգուտ քաղենք բան մը փրցնելու համար: 10000 ֆռանք տաս նէ Débatsին մէջ ասանկ բան չեն գրեր. այսպէս միւս լրագրին մէջ: Ասոնք չի կորսնցնենք: Թ. պէյը ներսը իր բարեկամին, որ այդ հաւատիսը տուիր, ատիկա թող հասկցնէ եւ խորհուրդ ու քիչ մըն ալ (10 փարայի) օգնութիւն ուզի:

Ասիկա Թ. պէյին դուն ալ ըսէ:

Այսօր չի դիմացայ քեզի 2 հովանոց եւ 2 ceinture [1] խրկեցի (1 ա. ) պզտիկ ceintureը Հերմինիս է: Ճաբօնական հովանոցը քուկդ է, միւսը` Տօլլիիս: Վերջապէս ինչպէս կ՚ուզես նէ անանկ ըրէ: Արամիս աղուոր զմելի մը առի, քովս է:

Աստուծով Հերմինիս ալ surprise [2] պիտի բերեմ: Շատ շատ պաչիկներ:

Պիտի ըսես որ ի՞նչու կը ծախսես ստակ պարապ բաներու. իրաւունք ունիս. բայց ձեռքս չէ. արդէն մեծ բան մըն ալ չէ, բոլորը 60 ֆռ.:

Գ. Զ.