Հայերէն Յիշատակարաններ

***

ԺՈՂՈՎԱԾՈՅ

Երուսաղէմ 773 (1352 թ. ), Պողարեան, Ցուցակ, Գ, էջ 221 (1352 թ. )

<149a> Թուղթ Հայոց կաթողիկոսին Կոստանդեայ, զոր գրեաց զաստուածապահ դղեկէն Հոռոմկլայէ առ թագաւորն Հեթում, ի մայրաքաղաքն Սիս պատասխանի թղթի որ ի Պապէն բերաւ առ թագաւորն Հայոց Հեթում ի ձեռն ծադ ղիկաթին, որ կոչէր Տիմանչ ղիկաթ ի թվին Հայոց ՈՂԵ (1246): Գրեցաւ ի ձեռն արդիւնական վարդապետին Վարդանայ յարմարեալ:

***

ՎԱՐՔ ՍՐԲՈՑ

Երուսաղէմ 97, Պողարեան, Ցուցակ Ա, էջ 305-306

<323a> Ի բարձանց բարեպաշտ թագաւորին Հայոց Հեթմոյ եւ քրիստոսասէր հաւր նորա իշխանաց իշխանին Կոստանդեայ, դրուատ գովեստի պատմագրաբար ասացեալ մեծին Վարդանայ Արեւելցայ ի սուրբ հայրապետն Հայոց Սուրբ Գրիգոր Վկայասէրն եւ Տէր Գրիգոր կաթողիկոս եւ եղբայր նորին ի սուրբ Ներսէս` ի թոռունս սրբոյ Լուսաւորչին:

***

ՆԵՐԲՈՂԵԱՆ Ի ՍՈՒՐԲ ԱՌԱՔԵԱԼՆ ԹԱԴԷՈՍ ԵՒ Ի ՅԱԲԳԱՐ ԱՐՔԱ ՀԱՅՈՑ ԵՒ ԱՍՈՐՈՑ ՍՐԲՈՅՆ ՅԱԿՈԲԱ ՍՐՃՈ ԵՊԻՍԿՈՊՈՍԻ

Երուսաղէմ 1365, Պողարեան, Ցուցակ Դ, էջ 644

Թարգմանիչ` Շմոն Ասորի

<131a> Ի ՈՂԵ (1246) թւիս Հայոց թարգմանեցաւ ճառս յԱսորոց, ի ձեռն Շմոնի քահանայի Ասորւոց, հրամանաւ Վարդան Վարդապետի:

***

ՎԱՍՆ ԱՌԱՋԻՆ ԽՈՐՀՐԴՈՅՆ ԵՒ Ի ՎԵՐԱՅ ՆԱՀԱՊԵՏԱՑՆ ԵՒ ՄԱՐԳԱՐԷԻՑՆ ՍՐԲՈՅՆ ՅԱԿՈԲԱՅ ՍՐՃՈՅ ԵՊԻՍԿՈՊՈՍԻ

Երուսաղէմ, 1365, Պողարեան, Ցուցակ Դ. էջ 644

<157a> Զայս ճառս ներբողենից Սրբոյն Յակոբայ եւ այլ յոլով բանք թարգմանեաց վարդապետն Վարդան:

***

ՏԱՒՆԱԿԱՆ

Փարիզ, 110, (1294 թ. ), Երեւան, մանրաժապավեն 876

Նուիրող` Թերան

Վայր` Անի

<180a> Յանուն Հաւր, յանուն Որդոյ, յանուն Հոգոյն Սրբոյ, ես` Թերանս Հանեցիս, որ գնեցի ի յիմ աշխատանաց զխանձլիս` Պատմայգիրքս Վարթերին աւգնականութեամբն` յիշատակ ինձ եւ ծնաւղաց իմոց եւ Վարթերին եւ ծնաւղաց իւրոց, եւ գրի ի Սուրբ Գրիգոր, եւ տվի զՍուրբ Սարգսի զաւուրն զպատարագն Վարթին, որ իսկի չխափանի: Եւ երէց, որ ի Սուրբ Գրիգոր կենայ եւ զգիր անփոյթ արնէ, նա ինքն ջնջեսցի ի դպրութենէ կենաց եւ նզովի ի հայրապետացն եւ ի մարտիրոսացն, եւ ի առաքելոց եւ ի քառասնից:

Գրեցի թվիս Հայոց ՈՂԵ (1246), հաստ: