Հայերէն Յիշատակարաններ

***

ԱՒԵՏԱՐԱՆ ՄԼՔԷ ԹԱԳՈՒՀՒՈՅ

Վենետիկ 86 (862), Սարգիսեան, Ցուցակ Ա, էջ 387

Ստացող` Անդիաս

Վայր` Վարագ

ա

<260b> Ի ՈԾԷ (1208) թուականիս Հայոց, ես Անդիաս քահանայ թափեցի զսուրբ Աւետարանս ի յանաւրինաց, եւ վերստին ետու զսա յընծայս Սրբոյ Նշանիս Վարագայ` յիշատակ ինձ եւ հայրազատ եղբաւր իմոյ Գէորգեայ քահանայի:

Արդ, որք լուսաւորիք ի լուսայճաճանչ տերունեանն հրամանացս, յիյիշեսջի[ք ի] Քրիստոս զիս` զԱնդիաս, եւ զեղբայրսն իմ զԳէորգ, եւ զՀայրապետ եւ զՍարգիս, եւ զծնողսն մեր, եւ Աստուած հասարակաց ողորմեսցի, ամէն:

բ

<137b> ԶԱնդիաս եւ զԳէորգ քահանայք ստացաւղք սուրբ Աւետարանիս յիշեսջիք ի Քրիստոս, աղաչեմք:

***

ՄԱՇՏՈՑ

Վենետիկ 570, Սարգիսեան, Ցուցակ Գ, էջ 68-70

Գրիչ` Վարդան

Վայր` Ասորեմայր

ա

<149b> Կատարեցաւ Քահանայաթաղս այս երկոտասան աւուրց, լի եւ թամամ, ի սերտ եւ յընդիր աւրինակէ, ձեռամբ Վարդանայ մեղաւոր եւ անպիտան գրչի, ի թուականիս Հայոց ՈԾԷ (1208), ի գաւառիս Ծոփաց, յանապատս, որ կոչի Ասորեմայր, ընդ հովանեաւ Սուրբ Կիրակոսի եւ առաջնորդի սորա սրբազան եպիսկոպոսի տէր Վարդանա, հրամանաւ եւ ծախիւք աստուածասէր եւ քրիստոսադաւան քահանայի Կարապետ երիցու, որ գրեալետ զսա ի յարդար վաստակոց իւրոց, ի յիշատակ իւր եւ զաւակաց իւրոց Բանարգէս երիցու եւ այլոցն, եւ ամուսնոյ իւրոյ: Արդ, որք ընթեռնոյ զսա, յիշեսջիք անմոռաց յաղաւթս զստեցող սորա, եւ զգծող, եւ զծնողքն մեր, եւ Աստուած զմեզ յիշէ, ամէն:

բ

<133> Կատարեցաւ կարգ թաղման քահանայից ի սերտ եւ յընդիր աւրինակէ, ձեռամբ Վարդանա մեղաւոր եւ անպիտան քահանայի, հրամանաւ եւ ծախիւք աստուածընկալ եւ սրբասէր քահանայի Կարապետի, եւ երէց որդոց իւրոց Բանարգէսի, որոց ողորմեսցի Տէր Աստուած իւրանց եւ ծնողաց իւրեանց…

գ

<170a> Տէր Աստուած ողորմես ստացողի սորա Կարապետի պատուական քահանայի, եւ մեղաւոր եւ անպիտան գծողի սորա Վարդանա, ամէն: