Հայերէն Յիշատակարաններ

ՔԱՐՈԶՔ ԳՐԻԳՈՐԻ ՏԱԹԵՒԱՑՒՈՅ ԵՒ ԱՅԼ ՆԻՒԹԵՐ

Երուսաղէմ 1617

… Գրեցաւ գիրքս, որ կոչի ասացուածք ձեռամբ մեղաւոր եւ անարժան Խաատուր աբեղի, յաղագս խնդրոյ պարոն պարոնաց պարոն Դաւթի, զոր տէր աստուած վայել տա իւրենն, ամէն: Գրիս պակասութեանն մի մեղադրէք, զի կար մեր այսչափ էր. զթվական Հայոց ՊՀՉ(1425), մեհեկի ԺԸ. (18) գրեցաւ գիրքս ի դրան սուրբ Աստուածածնին, || որ կոչի Քոշտենց վանք, ի գաւառն ի Համշինու, հայրապետութեանն տէր Պաւղոսի, թագաւորութեանն Սքանդարին: Տէր աստուած` Յիսուս Քրիստոս ողորմեա գրողաց, կարդացողաց եւ լսողաց, ամէն:

ԳԱՆՁԱՐԱՆ

Երեւան 8366

Գրիչ` Գրիգոր Խլաթեցի

Վայր` Յիպնայ վանք

  Փառք ամենասուրբ երրորդութեան… որ ետ կարողութիւն տկար ոգ[ի մա]տնադեղեւ գրչի հասան[ել յաւա]րտ սորին, որ գրեցաւ [ի խնդրոյ] Սատուածատուր քահանայի, ձեռամբ Գր[իգորի] պիտակ անուն բանի խըն[դրողի ի] վանս Ցիպնայ, ընդ հովանե[աւ ամե]նազօր սուրբ նշանի ի Պ|| թըւականութեանս Հայի ||

ԳԱՆՁԱՐԱՆ

Վենետիկ (Հ. Ոսկեան, Վասպուրականի, Վանի վանքերը, մաս Բ, էջ 388)

Վայր` Քաջբերունիք

[Գրեցաւ] ի յերկիրս Քաջբերոււոյ, ի դուռն կմբեթայարկ տաճարիս որ յանուն սուրբ ստուածածնին, առ ոտս առաջնորդի ուխտիս քաջ հռետորի Կարապետի եւ տէր Ստեփանոսի դիտապետի, ի դառն ժամանակի յորում Վասպուրական աւերեալ եղեւ ի Սքանտարէ… 

ՃԱՇՈՑ

Բ. Կիւլէսէրեան, Ցուցակ Անկիւրիոյ 162, սիւն, 812-813

Ա մասի գրիչ` Յովաննէս

Վայր` Կաֆա

ա

  Յայս հրաշափառ մեծի տաւնիս

Քեզ երանի, որ հանդիպիս

Լռրսնփթիթ բուրաստանիս,

Հոգիաբուխ սրբոյ տառիս:

Երբ լի սրտանց ծունր կրկնես,

Սիրով հոգւոյդ յաստուած հըպիս,

Յայնժամ յիշեա դու զեղկելիս`

ԶՅոհաննէս անարժան` գծողս գրիս,

Զմեղաւք ծածկեալս ի մեջ տղմիս

Գրեցաւ եւ կատարեցաւ ի թվականութեան Հայոց ՊՀԴ. (1425), ի մայիս ամսոյ ԻԹ. (29) օրն:

բ

  Գ. (3) կիրակի կարդա, ոց է բարեկենդան սուրբ Յակովբին, եւ զմե ղաւոր գրիչս յիշեցէք` զՅոհաննէս երէցս, եւ աստուած զձեզ յիշէ: