Հայերէն Յիշատակարաններ

ՃԱՇՈՑ

Բ. Կիւլէսէրեան, Ցուցակ Անկիւրիոյ, 162, սիւն. 813-814

Բ մասի գրիչ`

Վայր` Կաֆա

… Արդ, զրաւ գրութիւն սորայ եղեւ ի թուաբերութեանս Հայսց ՊՀԶ. (1427) ամի` կշիռ կոչեցելոյ, աշխարհիս Լազարաց, յերկիրս Հոնաց, ի մէջ մայրաքաղաքաց, ի մենաստանս մեծի Կաֆայի աստուածապահ քաղաքն, ընդ հովանեաւ մեծի ճգնաւորի սրբոյն Անտոնի, առ ոտս սրբասիրի մեծի րաբունոյ Սարգսի երջանիկ վարդապետի, ի ժամանակս նեղ եւ խառնակ, զոր տէր սհուած խաղաղացուցեալ հանտարտեցուցէ ողորմութեամբն իւր, եւ ի հայրապետութեանն սրբազանի իմաստուն եւ խոհեմ հանճարեղի` մեծի տեառն Պաւղոսի մարդասերի, եւ ի յանեպիսկոպոսութեան Կաֆայի, եւ ի նուիրականութեանն սրբասնեալ եւ կուսակրաւն եպիսկոպոսին տէր Յովսէփին, եւ հաւատարիմ սպասաւորի տեառն իւրում եւ ճշմարտասէր կրաւնաւորի տէր Մելքիսէթ նվիրակի, ձեռամբ նախասացեալ երջանիկ Սարգսի վարդապետի, զի ըզկէս ճաշոցիս մինչ ի յարութիւնն ||

ՀԱՒԱՔԱԾՈՅ

Կիւլեսէրեան, Ցուցակ Ղալաթիոյ 248, էջ 11901191

Գրիչ` Գրիգոր Կուղեցի

  Եւ անպիտան գրիչս յիշեա` Զգրիգոր սուտանուն կրօնաւորս, որ մականունաբ Կուղեցի կոչիմ, եւ զծնօղսն իմ զԷլմէլիք եւ զԳօհար, եւ զեղբայրն զպարոն Գորգ, եւ դու յիշեալ լիցիս ի Քրիստոս: