Հայերէն Յիշատակարաններ

ՈՍԿԵՓՈՐԻԿ

Երեւան 9474

 

Գրիչ` Կարապետ

Վայր` Կամուրջ գիւղ

 

  Փառք… որ ետ կարօղութիւն մեղսամած եւ տկար ոգւոյ Կարապետի գրել զպակասութիւն Ագադրոնիս, յամի ՊՀԳ. (1424) թըւականիս մերում: Որ գրեցաւ ի խնդրոյ հաւատարիմ եւ աստուածապաշտ տանուտրոջն Ստեփանոսի, որ ստացաւ զսայ ի հալալ արդեանց իւրոց, յիշատակ իւր եւ բարի ծնօղաց իւրոց` Անտոնին եւ Մելիքայ-Խաթունին, եւ դեռաբոյս տղայոցն Մկրտչին եւ Կարապետին, եւ հանիկ հօրն Մոմեղնին, եւ հօրեղբարցն Լեւոնին` փոխեցելոյն առ [աստուած, ե]ւ Լուսերեսուն, իւրոց տղայո[ցն] Ծերունին եւ Գորգուն, եւ այլ [արեա]ն մերձաւորացն: Արդ, գը[րեցաւ ի  գ]եօղս Կամուրջ, ընդ [հովանեաւ սրբոյ] Աստուածածնին յիշա||տակ Ստեփանոսին, եւ ծնօղաց նորին:

Արդ, աղաչեմ զամենեսեան որք հանդիպիք Ոսկեփորիս յիշեցէք ի սուրբ յաղօթս ձեր զպա[ր]ոն Ստեփանոսն, եւ զծնողսն իւր զԱնտոն եւ Մելիքայն, եւ զամենամեղ գըծողս:

 

ԳԱՆՁԱՐԱՆ-ՏԱՂԱՐԱՆ

Revue des Études Arméniennes, t VII, fasc. 1, p. 96-97

 

Գրիչ` Յոհանէս

 

ա

 

… Արդ անգ ելեալ աւարտեցաւ գիրքս որ կոչի Գանձարանս եւ Տաղարանս ձեռամբ մեղսապարտ եւ անիմաստ գրչի Յովանիսի սուտանուն քահանայի եւ որ յիշէքդ զմեզ սրտի մտաւք` նայ դուք յիշեալ լիջիք ի Քրիստոսէ միւս անգամ գալուստն, ամէն:

Գրեցաւ ի թվ. ՊՀԳ. (1424), ի փառս Քրիստոսի աստուածոյ մերոյ, ամէն:

 

բ

 

  Եւ զիս զանպիտան գրչակս զՅովանէս սուտանուն քահանայն աղազես զձեզ, ո՜վ ընթերցողք, յիշեցէք ի մաքրափայլ աղաւթս ձեր, եւ աստուած ամենայնի յիշման արժանի առնէ զձեզ ի յի[ւ]ր միւս անգամ գալուստն, ամէն:

Գրեցաւ ՊՀԳ. (1424):

 

ՇԱՐԱԿՆՈՑ

Երեւան 8599

 

Գրիչ` Յակոբ

Վայր` Բերկրի Եղեվանք

 

ա

 

… Արդ, գրեցաւ եղանակաւոր տառս ի թվին Հայոց մեծաց ՊՀԳ. (1424), ձեռամբ ախմար եւ սխալագիր, խելայեղ անպիտան գրողի` սուտանուն կրաւնաւորի Յակոբի, ի խնդրոյ պատուական եւ սրբասէր կրաւնաւորի Յովհաննէսի, յիշատակ բարի նմա եղիցի: Ի նահանգիս Տարբերունի, որ այժմ Բերկրի կոչի, ի սուրբ եւ ի հրեշտակաճեմ յանապատս Եղեվանք, ընդ հովանեաւ Նախավկայ սուրբ Ստեփանոսի եւ սրբոց Վարդանացս արեամբ ներկեալ բազմոթեան Նշանացս, ի յառաջնորդութեան բարեմիտ Մելիքսէթ վարդապետի:

Արդ, աղաչեմ զմանկունսդ սուրբ եկեղեցոյ որք աւգտիք ի սմանէ ուսանելով, յիշեսջիք ի բարին Քրիստոս եւ ցաւակցաբար մեղաց մերոց թողութիւն խնդրէք ի նմանէ` ի Քրիստոսէ Յովանէս մաքրամիտ աբեղային, եւ ծն||աւղաց իւրոց` սրբասէր Ծերուն քահանայի, եւ մաւրն Արզուն-մելիքի, եւ խանկայ իւրոյ Խութլու մելիքի, եւ եղբարց իւրոց Թումա քահանայի` [կոչ]եցելոյ ի Քրիստոս Վարդանի, Ստեփանոսի եւ Կիրակոսի, եւ քւերցն Թաճմելիքի, Խաթունմելիքի եւ Մամախաթունի, Մասրովպի, Մկրտչի, եւ Կարապատին, եւ Մարտիրոսի…

Ընդ նոսին աղաչեմ յիշել ի տէր եւ զիս` զանիմաստ գրիչս զՅակոբ, եւ զծնաւղսն իմ, նաեւ զհոգեւոր որդեակս իմ զԳրիրոր դպիր, որ բազում աշխատանք ունի ի տուն տալ շաղելոյն, զոր եւ տէր աստուած պահեսցէ զսա յամենայն որոգայթից, ամէն:

Դարձեալ աղաչեմ յիշել զմիաբանք սուրբ ուխտիս` զմեծ եւ զփոքր զքահանայ եւ զսարկաւագունքս պահել ի կամս իւր:

 

բ

 

  Զսրտէ խոցեալ եւ զմեղաւք լցեալ Յակոբ յիշեա ի տէր:

 

գ

 

Ծաղկող` Մելիքզատա

 

Զանպիտնս եւ զանարժանս,

Ի մեղասէր անյն անթորանս,

Քաղցրեալ հոգիս ի տարատանս,

Բարցի քարամբ ի յպամտանս,

Բայց դրուակի հասա յորձանս,

Մեղաւք մեռեալ կրիցապանս,

Մելիքզատա անմերձ յազգանս

Ծաղկող գրոյս ի զարդարանս,

Յովանիսի գոլ շահարանս,

Յիշատակի միշտ յաւիտեանս: