Հայերէն Յիշատակարաններ

ԺՈՂՈՎԱԾՈՅ

Երեւան 732

Գրիչ` Յովանէս Համշինցի

Զսակաւ գիծս գրեցի

Եպիսկոպոս Համշենցի

Զայս անպիտ[ա]ն յամենայնի,

Որ Յովանէս անուն կոչի,

Ցաւաւք նեղեալ յայս յաշխարհի,

Դառն եւ դժնեայ եւ անբարի

Միտքս փութով ի չար դիմի,

Եւ ի բարոյն յոյժ հեռասցի,

Ու ահեղ աւուրն ||

Իմ գործոց ինձ պատրաստի:

Թվ. ՊԾ. (1401):

ՄԱՏԵԱՆ ՈՂԲԵՐԳՈՒԹԵԱՆ ԳՐԻԳՈՐԻ ՆԱՐԵԿԱՑՒՈՅ

Երեւան 5597

  Ես Յովանէս կրոնաւոր, Թումաս ոկչ. (ոսկերի՞չ), Կիրակոս կրոնաւորքս վերստին թափեցաք զսուրբ նշանն Գետարգել, բերաք ի սուրբ

Եղիշէի ուխտն` ի Վարդպատրկէ վանքն, առ երջանկաշնորհ կրոնաւոր առաջնորդն սուրբ վանիցն, եւ ետուք յիշետակ սուրբ Գէորգայ եւ սուրբ Եղիշէի, ի կործանման պիղծ Թամարին` ՊԾ. (1401) թվականին, եւ սպասու կացայ մաք սուրբ Սքանչելագործ նշանին` մինչ ի մահ: Ով ոք հանցէ կամ գողասցէ զսուրբ եւ կեասատու խազն, մասն եւ պատիժ Կայենին եւ Յուդային առցէ, ամէն:

ԱՒԵՏԱՐԱՆ

Երեւան 7679

Հետ. ստացող` Աւագ-Տիկին

  Ես` Աւագ-Տիկինս` դուստր Եմինի, գնեցի զսուրբ Աւետարանս ի հալալ ընչից իմոց եւ ետու զսայ հոգեւոր որդոյն իմոյ Յովանէս իրիցու, որ անւամբ յորջորջի Անեցի, եւ ետու զսա յիշատակ ինձ եւ ծնողացն իմոց` հաւրն իմում Եմինին եւ մաւրն իմում Խաթունին, եւ Հաճուն, եւ ամենայն արեան մերձեւորսցն, որ յիշէ զիմ եւ զն[ն]ջեցեալսն իմ: Ի թվ. ՊԾ. (1401):