Գիրք անուանեալ Որոգայթ փառաց վասն կալանաւորելոյ ամենայն գործ անկարգութեան

Յետ կատարման նամակօք հաստատելոյ բոլոր տանուտէրաց յայնժամ միջէ տանուտէրաց եւ մնացորդ փոխանորդաց հայոց, որ կացին վասն պաշտօնի իշխանութեան, այսինքն ի մէջէ բոլոր փոխանորդաց հայոց ընտրեցեալ լինի երեքտասան այրք յատկապէս ի սեպհական ազգէ հայոց եւ ի ծնունդ Հայաստանեաց, հաւատացեալ ի Քրիստոս աւանդութեամբն սրբոյ Եկեղեցւոյ Հայաստանեաց այրք հեզ, երկայնամիտք, տէր պատուոյ եւ սիրօղ ազգին եւ Աշխարհին Հայոց, եւ ինքեանք առաքինութեամբ զարդարեալք քաջախոհեան կերպ եւ այլն, եւ ի վերայ սոցայ վիճակս հանել թուաւ միով մինչեւ երեքտասաներորդ ի վերայ որում ելցէ վիճակն թիւ առաջին ն'ա լինիցի նախարար, եւ որում ելցէ վիճակ երկրորդ ն'ա երկրորդ խորհրդակից, մինչեւ ի վերջ երեքտասաներորդ վիճակն վերջին խորհրդակից, եւ տունն հայոց պատուեսցէ սոցայ նամակօք պաշտօնի նախարարութեան ժամանակաւ երիս ամաւ, եւ խորհրդակցաց ժամանակաւ զամենայն աւուրս կենաց իւրեանց ըստ Օրինօք Հայաստանեաց: